វគ្គបណ្តុះបណ្តាលស្តីពីការប្រើប្រាស់ឧបករណ៍វាស់វែងទំនើបដោយផ្កាយរណប GNSS Receiver
ថ្ងៃអង្គារ៍ ៩រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនិងថ្ងៃទី៧ ខែវិច្ឆិកា ឆ្នាំ២០២៣ ក្រុមហ៊ុន B Scientific Instrument Co., Ltd និងដៃគូសហការក្រុមហ៊ុនHi-Target Survey Instruments Co., Limited ក្រោមអធិបតីភាពឯកឧត្តម ខៀវ បូរិន អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានរៀបចំវគ្គបណ្តាល ស្ដីពីការសិក្សាទៅលើទ្រឹស្តី និងការអនុវត្តលើឧបករណ៍វាស់វែងទំនើបដោយផ្កាយរណប GNSS Receiver ជូនដល់ មន្ត្រីរដ្ឋបាលថ្នាក់ជាតិ និងក្រោមជាតិ ចំនួនប្រមាណ ២០០នាក់ ដែលអញ្ចើញមកពី ២៥រាជធានីខេត្តនៃព្រះរាជាណាចក្រកម្ពុជា។ វគ្គបណ្តុះបណ្តាលនេះ ធ្វើឡើងក្រោមគម្រោង LASED III/IDA 67060-KH របស់ក្រសួងរៀបចំដែនដី នគរូបនីយកម្ម និងសំណង់ ហើយក៏មានការអញ្ចើញ ចូលរួមបិទនិងប្រគល់វិញ្ញាបនបត្របញ្ចាក់ការសិក្សារ ក្រោមអិធិបតីភាព ឯកឧត្តម សូ ខនឬទ្ធីគុណ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងដែនដី នគរូបនីយកម្ម និងសណង់។
